2024年12月07日
留宿頌湖的一天(吉爾吉斯旅遊(一))
吉爾吉斯是 一個位於中亞的內陸國家，北邊連接着哈薩克、西邊連接着烏茲別克、西南連接着塔吉克，係世界上距離海洋最遠嘅國家。亦都因為這樣，吉爾吉斯充滿着很多內陸國家特自然景觀，例如高原、高山湖等。
而正正因為內陸地區嘅地勢變化大，好多地方唔係一年所有時間都適合生活，所以佢哋就會有游牧民族出現。 至今仍然有唔少數嘅游牧民族:)
吉爾吉斯地圖
吉爾吉斯主要會遊覽的是一個高山湖名叫Song Kul Lake，是一個3000m高的湖泊，另外一個很多背包客去的區域就是沿着Issyk Kul Lake 的不同自然景觀，例如有叫阿拉善的美麗山脈還有一些不同形狀的峽谷。
遊覽方法
遊覽這吉爾吉斯的著名景點方法主要為:
- 參加當地旅行團
- 坐巴士(交通工具)
- 網上/青旅找朋友一齊自駕
- 共享的士
詳細的比較，我會在另一篇文章分析。
尋找合適的旅行團
而對我來說比較方便及容易的方法就是參加當地旅行團，好彩的我在第一天抵達吉爾吉斯時認識到一位新加坡的姨姨，他在網上已做足research，找到價錢合理 並且已經有足夠人數的旅行團。所以最後我便參加了一個價值$400美金的五天旅行團，當中會去到以上提及的Song Kul Lake 和 Issyk Kul Lake 附近一帶的景點。
如果大家有興趣也可以看看這個團， CP值蠻高的，但通常都需要四人成團，記得出發前問清楚成團未，以免耽誤行程: (不是廣告)
https://kyrgyzstan-tourism.com/
參加旅行團第一天
以下係我成個旅程第一日用嘅時間同發生嘅事件，可供大家概覽及參考:
第一天路程
| 時間 | 事件 |
|---|---|
| 8:30 | 吉爾吉斯比斯海克市内上車 |
| 11:00 | 抵達布蘭那塔及遊覽 |
| 14:00 | 午餐 |
| 17:30 | 抵達頌湖及自由活動 |
| 19:00 | 頌湖晚餐 |
| 20:30 | 睡覺 |
集合:吉爾吉斯比斯海克市内上車
該團係早上8:30出發，首先就去一間叫Olive hotel的地方集合，我琴晚住既hostel好近，所以就行幾8分鐘就到🤭
旅行社在Olive Hotel 是有一個辦公室，所以一開始在辦公室內集合，旅行社會分發給我，每人一份地圖及一個印有當地特色公仔的圍巾。也蠻貼心的。
等齊人後，我們便開始上車。我們成團有九個人，亞洲人有我跟新加坡，而其他主要都是歐洲或美國人，所以到時英文為主。
而我們五天坐的旅遊巴， 算是非常新淨及座位舒服。 我哋嘅導遊係一個19歲嘅當地年青人，非常之有活力亦都很盡責。
旅遊巴車廂內
旅遊巴車廂內
Burana Tower (布蘭那塔)
首先我地去既第一個景點就係Burana Tower(布蘭那塔), 係一個以前既村落，個塔就係用來叫人一齊祈禱(佢哋嘅信仰係穆斯林)
呢個其實係一個受損過既健築，依家好多都番新左，通過樓梯同一段狹窄既路就可以上到頂！四周都無乜高既建築，所以一上到去，係一望無際，會見到同中國分界既山，又有其他綠既地，個景好靚🤭
布蘭那塔的頂部
布蘭那塔
布蘭那塔
第一日的午餐
跟住就去左食午餐，好有趣既係我諗住叫當地嘅特色食物, 問咗個導遊去推介，最後上菜嘅時候發現原來係叫左一碟好似乾炒牛河既食物。
午餐的餐廳
午餐吃的乾炒牛河
Song kul lake (頌湖)
跟住我地就坐左兩個半小時的車，途中經過有啲地方好似window XP 既desktop (年紀有咁上下既就會我講乜🤣),跟住就去到第一個主要嘅景點Song Kul Lake (頌湖),係一個3000米高既地方，雖然吉爾吉斯其他地方講緊係30幾度，但嗰度去到大概黃昏時間係講緊得10幾到3度，好凍。好彩前日我去咗Osh Bazzar買左件羽絨背心。
沿途的景色
騎馬中的游牧民族
當地活動 & 蒙古包食宿
5點半多去到目的地，Song Kul Lake!
頌湖
而我哋今晚住既地方，蒙古包(Yurt)!第一次住，係有啲興奮。
嗰度係啲好原始既地方，蒙古包入面叫好彩有燈，但啲電(用發電機供應)有限供應，所以尿袋係十分重要。當然嗰度亦都係冇任何嘅網絡，暫時掛住斷網嘅生活。
蒙古包
個日天氣一般，所以影既相無咁令，但係眼睇係好令同會比較震撼，高原大地中既湖，呢個湖如果冬天來既時候係冰，同我地住既地方會係滿滿既雪地。所以住係度既人係叫遊牧民族，佢地會隨住天氣轉自己住既地方。
我哋去到影吓相，坐吓望吓個自然，感受吓游牧民族嘅生活，去睇吓啲牛羊同埋馬，就差唔多天黑預備食晚餐了。
游牧民族的生活
游牧民族的生活
頌湖
頌湖
頌湖的日落
由於呢度晚上係十分之寒冷，佢地會就地取材，用馬/羊屎做燃料既爐去發熱，所以食晚餐既地方同訓既地方都好暖。
嗰晚食左啲佢地既食物，係一啲包點同埋炒飯，有趣嘅係我同新加坡姨姨 喺嚟之前買咗啲幾平嘅烈酒，嗰晚每人一杯仔飲下飲下都幾開心
游牧民族的晚餐
吉爾吉斯的烈酒
而我哋住嘅地方係6個人訓一個yurt, 有啲迫，但都冇辦法， 雖然出邊好寒冷，但蒙古包入面嘅床佢係提供嘅 被係十分之溫暖。同埋嗰日都好攰，所以好快就瞓着咗。
蒙古包內
當中11點有起身想睇星，但原來係落雨，勁凍，但要去廁所，所以最後都係衝住去。
係難忘既經歷，但無得沖涼，都有啲辛苦，係啲一次就好既體驗。但有驚喜嘅係佢嘅廁所用咗一啲防風嘅物料，喺廁格入邊係十分之暖和。
頌湖廁所
遇到澳門朋友
值得一提嘅係，去到Song Kul Lake 係嗰度遇到兩個澳門人，係對情侶，佢地裸辭去中亞。 好開心過咗咁多日後 竟然係一個冇網絡有咁遠嘅地方可以講廣東話，非常之親切，大家都一齊食飯互相傾吓自己嘅行程同埋旅行嘅經歷，係一個好愉快同埋開心嘅體驗。我哋之後都有留到大家嘅聯絡方式，一齊互相，交流下中亞旅行嘅行程:)
而有別於以旅行團嘅方式嚟，佢哋就係用坐巴士再加共享的士嘅方式用12日嘅時間去又遊覽成個吉爾吉斯嘅主要景點，相比我嘅團係五日去晒，佢哋就可以有更多時間同當地人交流同埋留喺每一個景點。
個人當日感受
其實全日嘅車程都十分之長，大概有五六個小時，並且係上高山，所以我係有食到啲暈浪丸比自己適應。而第一日參加旅行團同 其他嘅團友都未話好熟，但感覺大家都幾友善。而Song Luk Lake算係我第一次去嘅高山湖，感覺十分之平靜，有別於城市嘅豐富物質生活，呢度有嘅全部都係大自然嘅嘢，而的確喺而家呢一個時代都仲係有有冇民族係 過緊呢一種簡樸嘅生活，對城市人嘅我都幾大衝擊，再一次確信呢一個世界係有好多唔同嘅生活方式。
