2024年12月12日
四國愛媛県猫島(青島)值得去嘛
去四國松山，除了去後道温泉，松山城，其實係距離1個鐘車程近”下灘車站” 可以去一個隱世小島 - 青島, 又名”猫島”
猫島地點
景點簡介
- 人數:小眾景點
- 活動: 坐船、睇海、餵猫、影相
- 天氣限定: 好天 (唔建議天氣差時去)
- 推薦: 推薦愛猫愛海愛日落愛少人景點的人
如何去？
可以選擇乘坐JR或自駕抵達。要留意的係每日主要只有下午2:30的船前往，所以要預備足夠緊時間。 我這次是自駕抵達的。由松山市駕駛大概1小時的車程就抵達。
附近的JR站
附近的泊車點
關於船的詳情
上船位置
位置: Google Map
碼頭附近的休息處及船的時間表
碼頭及船
- 每日有兩班入去的船，同兩班出的船，但早上8點半嗰一班入到去10分鐘後就出船，唔係就要等到下午4點半，所以都係建議坐下午2點半既嗰一班船
- 要留意既係，船係最多坐30個乘客，我去嗰日都滿哂咁滯（可能係因為嗰日係日本休假，所以大家都係提前少少到上船位置好啲
- 付款方式係上去船上，會有個伯伯係入面收錢，直接向佢買往返既就可以
船程大概為30分鐘，去既嗰日好好好天，海平線同嗰天既色加埋真係好靚。吹住海風咁好快就到猫島 船上係有廁所，同室內室外！
碼頭及船
碼頭及船
呢個係落船既位置
終於到貓島上
落船的位置已有在貓等待
在貓島上
係島上面主要可以做嘅嘢就係餵貓同影相，但可能都有心理準備其實冇超多貓，會出嚟同大家互動嘅貓可能有大概20隻到。但佢哋都好可愛同好乖。
貓島
呢個係貓島嘅地圖，其實我哋可以逗留嘅範圍係十分之少，認真行應該20分鐘就會行晒。 而有好多真係民居嘅地方佢哋都封起咗，都理解佢哋唔想比外來人去騷擾嘅。
貓島
島上係沒有仼何商店同廁所，大家記得買定要既野(e.g. 猫糧,水,小食)先好上船！同埋記得垃圾係要自己攞翻翻去，唔可以留係島的。啲貓真係好得意:
貓島
貓島
貓島
貓島
貓島
最後記住要上4點15既船，唔係就要等到第二日先有得走！而回程船既時間係岩岩日落既時間！大家仲可以慢慢欣賞住日落!
日落
日落
日落
個人感受
位於四國愛媛縣既猫島(青島)，算係一個比較小眾既景點，有啲隱世島既感覺。愛猫同海既人可以係天氣好既情況下考慮來觀光！我自己十分滿意今次來呢個島，雖然真係唔好期望有太多猫，但見住每個入來既人都帶住猫糧，一齊餵貓同享受大自然同海島，係一件非常治癒的事！
而落船後可以馬上出發到下灘站睇日落，車程大概係10分鐘！
下灘站
下灘站
