2025年02月05日
出發前往南極(一)
由於我十分喜歡企鵝，並且在我在澳洲工作假期的時候，遇上了一位正在環遊世界的香港姐姐，他告訴了我他是如何一個人前往很多不同的地方，例如南美洲、中亞、中東地區及南極，開了我很大的眼界，並發現原來自己一個女仔環遊世界並不是那麼昂貴及遙不可及的事。
本以為前往南極是一樣昂貴得不能更多的事，而她更告訴我如何用Last Minute Deal的價錢前往南極。
於是本來預計在澳洲逗留一年的我，改了我的計劃，留了半年，定了Last Minute Deal，再從澳洲飛往南美洲在飛往南極。
南極
我訂的行程
我訂的是前往南極三島共22天的行程, 當中22天包括上船前一天的酒店及下船後一天的酒店。相信是為了確保大家在開船前都到齊，預留了走盞給大家下船後可以休息。 而我行程日期是11月1日-11月22日，開船的日子是11月2號而下船的日子是11月21號。
第一天:阿根廷馬德林港先住一晚 + 與Roommate會面
跟普通的南極船有點不一樣會在Ushuaia出發，由於我的船是整個南極季的第一班，所以我們是在馬德林港上船。 而我們預訂的行程已幫我們訂了在開船前一天在馬德林港住一晚。
馬德林港海灘
馬德林港海灘
由於我訂的是雙人房的單人位，船公司會幫我組合另一個同性別的單人旅客一起同房。很好的是他盡量會根據各位旅客的背景，年齡，國籍去幫我們分配比較多共通點的人作為Roommate。
在我抵達酒店的那一刻，我的roommate已經到達，他是一個馬來西亞的女仔，也是一個solo traveler，他亦是船上面唯一個會講廣東話的人。非常之開心，可以跟他成為Roommate一齊相處接下來的22天。
在馬德林港住的酒店
第二天:阿根廷馬德林港 -> 上船 -> Check-in
小型講解會 + 上船
第二日早上大家都去馬德林港嘅一個Function Room，去聽一個小小嘅Briefing，話俾大家聽大家會住嘅房，同埋主要就係給大家進行Covid快測 (嗰時仲係2022年尾)，需要係陰性先可以上船。
covid測試
跟住我哋就坐旅遊巴上船啦。
上南極旅遊巴出發
上南極旅遊巴中途
上南極船
房間Check-in
上到船我同Roommate第一件事就入我哋所屬嘅房，放低行李同埋Room Tour 下。 買最平嘅船package嘅，我哋住嘅係船3樓客房最低層嘅位置，其他層數會有露台或者係長方形的窗，而我哋就係兩個Port Hole。
但間房裏面都比想像中大同埋新淨，而廁所都好靚。
房間
最正嘅係房裏面已經會備有一件南極出島探險用嘅風褸! 可惜嘅係佢嘅顏色係非常之鮮艷嘅紅色，唔係嘅話離開南極之後都可以着返。
南極的catalog
歡迎會-船長及探險隊隊長的行程簡介
個日行程十分緊密,欣賞完房間之後，大家就要去到4樓嘅大廳集合，聽船長同埋探險隊隊長為大家講解嚟緊嘅行程同埋注意事項。
歡迎會講解
船上的各樓層
仲會有點心蛋糕比大家任食同埋有香檳俾大家飲，喺愉快嘅氣氛底下期待着接下來二十天嘅行程。
歡迎會
歡迎會食物
逃生演習
完咗歡迎會後，好快就有個逃生演練，等大家知道當有突發事情嘅時候我哋係點樣用救生衣同埋要逃往邊一個地方，最緊要當然係安全至上啦。
逃生演習
逃生演習
開船
做完一大堆嘢，終於到開船嘅時間啦! 大家都趕住去夾板，船頭睇住船離開口岸嘅一刻，亦代表着我哋行程嘅開始。
上甲板的樓梯
開船
美麗的夕陽與大海
第一餐晚餐
晚餐是以一個Fine Dinning 形式進行，搵好個位，就會有服務生過嚟幫你逐一點單，嘢食好食服務非常之好，仲有酒水任飲。
滿滿儀式感的晚餐
晚餐的菜單
第一天的晚餐
第一天的晚餐
愉快晚餐
個人感受
從想去南極，到現在真的在南極的船上，感覺很不可思議，非常期待接下來到底會經歷體驗到啲咩。
開船與我
而這兩天在預備好了的酒店及船上的整個流程都十分流暢及非常舒服，好吃又好住，服務亦十分一流（人生好似未試過有咁好服務），非常之滿足。
船的晚上
