2025年03月13日
出發前往南極(完)
雖然第三日嘅上午行程係去Cuverville Island，但由於海浪嘅影響，船長決定將南極行程縮短至三日。我哋需要喺嗰日直接離開南極，以避開Drake Passage嗰邊可能出現嘅大浪。雖然感到非常可惜，但安全至上，始終係最重要嘅。
豐富午餐
返到船之後，我哋喺甲板上享用咗豐富嘅BBQ，呢亦都係我哋喺南極嘅最後一餐。
船上bbq
船上午餐
船上bbq
船上bbq
刺激活動：Polar Plunge
喺第三日下午，即將告別南極前，我哋參與咗一個必玩而且非常刺激嘅活動——Polar Plunge！即係跳入南極零度嘅冰冷海水。
全船有100幾人，當中超過70人都踴躍參加，而我同我室友甚至挑戰咗兩次！本以為會凍到頂唔順，但其實最冷嘅係上岸嗰一刻，冰水加埋室外嘅凍風，令成個人凍到透心。不過，公司安排得非常貼心，有人即時送上毛巾，船上亦準備咗暖氣同熱朱古力，幫大家迅速暖返身。就連船上年紀較大嘅朋友都展現咗冒險精神，一齊參與呢個活動，氣氛相當熱鬧。
Polar Plunge
Cocktail Party
喺最後一晚，我哋喺船上舉行咗溫馨嘅Cocktail Party，為整個行程劃上完美句號。
最後的南極相片
船上消遣
回程
回程大概花咗兩日半時間，大家都好好享受喺船上同朋友共度嘅最後時光。大家傾偈、飲酒、玩卡牌遊戲，其樂融融。
幸運地，由於我哋提早一天離開南極，所以經過Drake Passage嘅時候並冇遇到最惡劣嘅風浪，旅程相對順利。
船上過生日
船上Card Game消遣
分享相片
回到Ushuaia
喺到達Ushuaia嘅時候，我哋同各位朋友一一告別，影咗好多珍貴嘅合照。當踏上陸地嗰一刻，依依不捨之餘亦覺得非常滿足。
回到阿根廷海岸
回到阿根廷海岸
回到阿根廷海岸
回到阿根廷相片
Ushuaia停泊
Ushuaia停泊
個人感受
感恩好安全地完成旅程，見識咗好美麗嘅大自然同埋我最愛嘅企鵝，亦都去多一個新嘅洲。 見識咗好多唔同嘅人同埋事，亦都收穫咗一段我同我室友好好嘅友誼。
船上最後一刻
