2025年03月18日
越南河內近郊(寧平)
在越南河內旅居其間，我跟了本地人一起去了寧平縣遊船河跟行山。跟着本地人的好處就是他們知道更多隱世景點，這些地方不僅風景優美，還不會擠滿海外遊客，讓你真正感受寧平縣的自然魅力。
來寧平縣旅遊，大家主要都是去長安生態保護區（Trang An Scenic Landscape Complex）及華閭古都（Hoa Lu Ancient Capital）。
Van Long Nature Reserve
這次我們去了一個叫做Van Long自然保護區（Van Long Nature Reserve）的地方，這裡不僅是寧平縣最美的濕地之一，更是瀕危物種Delacour’s Langur（白臀葉猴）的重要棲息地！坐船遊覽時，除了欣賞壯麗的山水美景，還有機會看到這些珍稀的猴子在石灰岩山壁上活動，絕對是難得的體驗！
接著我們還去了菊芳國家公園（Cuc Phuong National Park），這裡是越南最古老的國家公園，擁有豐富的生態資源和壯觀的自然景觀，非常適合喜歡徒步和探索大自然的旅人。
若有興趣去嘅大家，可以試吓自駕或者包車前往。
在河內市中心集合
由於今次我係跟朋友一齊參與一個自發組織嘅行山群組，所以我哋會同群組嘅人先喺後來市中心集合。 據呢個群組係每兩個星期會舉辦一次行山活動，主辦人純粹係熱愛行山，並不是牟利，呢個group已經持續行山咗三年，今次我哋呢個活動有成90人參與，需要兩架大嘅旅遊巴。
集合地點
集合地點旅遊巴
係旅遊巴入面有唔同嘅朋友，大部份係越南人，亦都有一半係喺越南住嘅外國人Expat，大家都好習慣或願意用英文去交談同埋非常之有善。
旅遊巴
等到8:00am，我哋就開始前往寧平縣(Ninh Binh)。
Van Long自然保護區（Van Long Nature Reserve）
由於交通都異常塞車，最後用咗大概三個小時嘅時間，我哋抵達咗Van Long Nature Reserve，一個相對係本地人先知道嘅保護區。
Google Map: https://maps.app.goo.gl/77SW1HQ7xpiie3oD7
雖然嗰日天氣就一般，但嗰邊嘅山水都10分特別，好似一幅山水畫咁。 我哋去到嘅時候就每人比100,000vnd去買船票，跟住就去坐由姨姨撐嘅小艇。
成個小艇遊覽帶我哋近距離睇到美麗嘅山水，喺寧靜嘅海面上慢慢的感受大自然的壯觀。同時亦都跟船友一齊傾偈互相認識。
Van Long Nature Reserve乘船處
Van Long Nature Reserve坐船遊覽
Van Long自然保護區山水
Van Long自然保護區山水
遊覽期間經過的山洞
遊覽期間經過的景色
跟住我哋又有經過一個小小嘅山洞，入面非常涼快，講嘢亦都有回音，特別的體驗。
Delacour’s Langur（白臀葉猴）
其中我哋有見到只係得呢個地區擁有嘅瀕臨絕種動物 - 白臀葉猴，非常之好彩。佢哋就好似一班着咗白色短褲嘅馬騮。之後查返維基百科，原來呢個猴子現時全球只剩返250隻。冇諗過可以喺咁沒有特別期待嘅情況下竟然見到啲咁罕見嘅動物，非常之驚喜。
白臀葉猴
白臀葉猴
菊芳國家公園（Cuc Phuong National Park）
Google Map: https://maps.app.goo.gl/77SW1HQ7xpiie3oD7 接着，我們去了越南第一個國家公園，Cuc Phuong National Park，係一個非常之大嘅國家公園。我哋主要就係會揀選其中一段會抵達洞穴嘅地方去行。
菊芳國家公園售票處
菊芳國家公園門票
菊芳國家公園地圖
去到國家公園門口，首先買門票，然後再隨着旅遊巴直接上到行山徑的入口。
開始在國家公園行山
行山徑比想像中企理乾淨，全是石屎路或是梯級，非常適合入門級人士前往。沿途亦有不同的指示牌，但要留意行到某一些路段的時候是沒有網絡的，所以要跟隨行的人一起行最好不要各自行動。
行山途中前往山洞
行山途中景色
去到洞穴，洞穴比我想像中嘅大，雖然好黑但一班人行就唔係好怕嘅，係入面會見到鐘乳石，感受到大自然遺留下來嘅產物。
Palace Cave
最後我哋沿着同一條路行返出去坐巴士去附近晚餐。
晚餐
我哋一行90人去到一個飯店晚餐，啲餸菜同香港嘅都好似，有豆腐，有蛋，有雞，有菜。其中一位朋友仲帶咗自製嘅Happy Water (類似Vodka嘅水果酒)一齊飲。氣氛非常之好。
晚餐
晚餐地方
漫長的車程
今日整日都有豐富嘅活動，但係車程亦都唔可以睇小，可能因為越南真係一個太塞車嘅地方，我哋成個活動係由朝頭早八點開始去到夜晚11點先返到河內市中心，估計有約八至九個鐘時間都係喺巴士上面渡過。
對容易暈車浪嘅我，其實都係一個好大嘅挑戰。所以如果大家去嘅話可以考慮喺嗰邊住一兩晚，再探索埋其他地方。
我嘅感受
呢次行山嘅旅程係一個十分特別嘅體驗，開心嘅係可以跟住本地人去一啲相對冇咁遊客嘅景點，可以更大大感受到當地嘅文化同埋欣賞到大自然，而且越南人好多都非常之友善同埋對新嘅朋友好好，係一個好愉快嘅體驗。
但係車程真係太長，去到夜晚都真係十分辛苦，所以如果有得揀嘅話我會留多一日，但整體都係非常之推介嘅。
所以對上去一啲小眾景點嘅朋友，都可以考慮以上兩個地方。
