2025年04月11日
南美洲遇過及聽過的危險
(待續-每日更新中)
去南美洲旅遊，相信同大部分亞洲朋友講第一句都會話「好危險喎」、「會比人搶野」，甚至同長輩講基本上都係叫你唔好去。咁其實南美洲係咪真係咁危險？呢篇文章我想分享下我過去係南美洲三個月遇到及聽到新邊朋友遇過的詐騙及危險時刻，等大家有個參考。
我遇到的
1. 機場假扮職員呃信用卡
我第一個係南美洲抵達的機場就是智利聖地牙哥的機場，出境時發現原來英文係呢度無想像中普及。
而我第一樣係機場想揾的是電話sim card,因為有網絡就代表可以用到”翻譯”同”google map”,同埋可以call uber, 特別住airbnb的我，都有機會需要同host溝通。但可惜的是那裏我找不到可以買電話卡的地方（明明很大的機場，至今我都不太明白)。
而當我係煩惱緊點揾sim card上網的時候，一個著得好似機場職員的人無啦啦過來用好流利的英文問我有無咩要幫手，話佢係機場職員(同時佢亦好快咁給我展示他的職員証,很快其實看不至什麼，而我跟本沒有問他是不是職員，這舉動有點此地無銀)，當時我沒想太多，我便告訴他我想找sim card買。
說完後，他便二話不說的拉著我的行李，帶我走，我當時以為他是帶我到機場的sim card店，但原來是他想帶我去機場外的停車處，他告訴我機場是沒有賣sim card店，我要到市中心才可。
情境大概如下:
💁🏻♀️(🧳🎒)💭: [邊度有sim card賣？]
👨🏽: 有無咩可以幫到你？
👨🏽👉🏻🪪: 我是機場職員 （快速地展示職員證，基本上看不清楚)
💁🏻♀️: 我想揾賣sim card地方
👨🏽：我知道那裏,跟我來 (沒有問的情況下拉著我的行李箱🧳行)
💁🏻♀️💭:[好似幾好人咁，但咁快既］
👨🏽(🧳)🚶🏽: 你邊度來？
💁🏻♀️(🎒)🚶🏻♀️: 香港
👨🏽: 你來緊住邊？
💁🏻♀️👉🏻📱：係近city center既airbnb (展示給他看)
👨🏽🚶🏽: 機場沒有賣sim card的地方，要到市中心找有
💁🏻♀️💭: [也沒辦法，唯有暫時沒有網絡用]
👨🏽🚶🏽 帶著我的🧳走出機場再走到停車處
💁🏻♀️: 那坐的士出去是不是收現金的？(我已在機場兌了少量現金💰)
👨🏽: 不，只收信用卡的
💁🏻♀️💭: [機場職員不是應該只告訴我巴士/的士站的方向嘛？怎麼會直接帶我到候車處？而且的士通常都收現金，我很少見的士直接收信用卡呢？好奇怪
💁🏻♀️👀👨🏽📱接著我看到他用whatsapp打電話叫人來車我，叫我站著等
我一見到係whatsapp call就知道好有問題，直接搶番我個行李箱🧳衝左去嗰的士站，就上車。的士站啲司機係著哂背心，同有啲保安係度。(好彩的士司機是真的🥹)
就係咁，我就逃過被騙信用卡資料的危機，安全到達airbnb. 但呢件事發生係初到南美洲的頭一小時，我都真心嚇親。 我之後每次去一個未去過既機場都會特別小心啲好”親切”的人。同我有得揀一定係坐交通工具(巴士/鐵路)或是call uber/yandex/grab 明買明賣的叫車app.
事後我有上網揾番，原來都有其他遊客都有中過呢個陷阱有人比佢地scam左信用卡。好彩呢一下避過左🥲。
機場假扮職員呃信用卡(OpenAI 圖)
2. 的士司機騙錢
之後，係烏拉圭坐船前往阿根廷後，在碼頭遇到熱情的的士司機，我們(當時跟一位朋友一起)跟他說我們要去的地方，他告訴我們一個比uber便宜少少的價錢，我們便上了車。
最後，他送了我們到很近的地方(比原本路程的3分1)就說到了，要求我們約要去我們本來去的地方就要加錢。幸好當時我不是一個人，有跟朋友一起，所以便一起落車(比左少少錢司機)，再自己叫uber。
總之係啲機場/碼頭熱情搭訕的人都要額外小心。
的士司機騙錢(OpenAI 圖)
3. 信用卡盜用
在南美洲留了兩個月後，我接連有兩張信用卡在一星期內被盜用，有一張成功比銀行攔截，令一張就直接扣左錢(約4000美金)🥲，當時都十分緊張，一星期內無左兩張信用卡用(而又不是即時返港)，另外亦要跟銀行交代情況及希望能拿用錢。
事後，我回顧自己在什麼時候有機會被盜用信用卡，我想到的其中一個是比時去餐廳埋單是可能直接給他們我的信用卡（信用卡離開我的視線，有機會被抄了信用卡資料) ，另外，在去南極的船上，最後給小費亦是要我們把信用卡資料連過期日期寫在紙上，我認為有機會給有企圖的人使用了。
幸好最後我被騙的錢也能拿回，但自此之後我亦對信用卡的使用十分小心。
在外出付款方面，我通常會先用Apple Pay (看不到信用卡本人), 若真的需要給信用卡，亦一定需要是在我視線範圍內。 另外，亦不會隨便給別人自己的信用卡號碼，寧願帶多一點現金。
