2024年10月05日
烏茲別克的好心人們
概要
- 幫助帶路的大學生妹妹
- 主動讓女性坐的烏茲別克市民
- 幫助跟司機聯絡的快餐店兄弟
好多人都話中亞啲人比較純樸，但有時真係去到先知。今次係烏茲別克留左10日既我，都好感受到。
1. 帶路妹妹
去到既第一日未熟習到嗰個地方，去到個好有特色既市集 - Chorsu Bazzar
由於呢邊啲住宿都係要求你到酒店比cash, even有咭機既，都唔太work，所以係好需要去atm攞錢
當我揾到個atm,放左卡入去後，就叫好似無乜郁，開始諗發生咩事。跟住就有個妹妹佢過來同我講呢部卡機唔太work, 佢知道有第二個位既機係work既可以帶我去,因為佢都要禁錢(當然一開始as一個香港人無啦啦有人咁approach你，係會覺得好怪同怕被騙。)但知道呢邊啲人普遍都比較友善，同埋公眾地方應該都okay。
最後係個bazzar度行左一段時間就去左個work既atm, 一路行一路的，原來佢係個大學生，佢既媽媽家鄉係samarkard,佢自己就係首都城市tashkent長大。
攞完錢之後，佢又問我有無啲咩地方想知，我就話我想去睇個地鐵站(前蘇聯的地鐵都好特別！),佢又好好咁帶我路，帶我去到後就同我say bye bye😁! 跟住我地走既時候有交換到tg,佢都有message 啲景點比我。
2. 主動讓女性坐的烏茲別克市民
鐵路L既我特別鍾意坐佢地既地鐵，我覺得烏茲別克係中亞3國入面最鐵路最方便，亦都係去到最多地方既！
而可能佢地係穆斯林🧕🏻既關係，我好印象深刻嘅係，每次坐地鐵嘅時候，即使幾逼都好，一有空位，男仕都會輕拍我示意我可以坐低。即使係繁忙時間都你會讓比你，所以通常成班坐位都係女人🤣
3. 幫助跟司機聯絡的快餐店兄弟
由於我通常鐘意住啲好local既地區既airbnb，所以去到言語不通既地方有時會有啲麻煩，而我住嗰個位地理上係有啲亂，我用地圖都揾左好一段時間
好似我叫外賣咁，個司機揾唔到個位置，但我又唔識講佢地既語言，係唔知可以點做既時間，我用body language同簡單既英文問樓下kebab店老闆幫手，佢地好好人，即刻接左我個電話幫我講。佢地超級友善，用左成10分鐘幫我同嗰司機講嗰位置
有少少尷尬咁講，同樣事情發生左兩次，佢地都係好好咁熱心幫我，而每次我落樓下既時候佢地都會好熱情咁同我打招呼。真係覺得好窩心，最後我臨走前同佢地用google translate傾左陣計，大家互相介紹吓，感受到大家都好開心呢個好單純既交談😁 開心
