2024年12月02日
哈薩克陸路去吉爾吉斯
由於哈薩克的主要旅遊城市呀拉木圖(Almaty)同吉爾吉斯的首都比斯凱克(Bishkek) 地理位置距離比較近，約250公里。而相對飛機，巴士的價錢是比較便宜，時間都係約4-6小時，所以係好多背包容會選用的方法。
而陸路主要有兩個形式:
- 巴士
- 共乘車/的士
我係今個旅程分別都試左兩種方法，下面會分享下嗰過程，同比較下好同壞處。
方法一: 巴士
我從哈薩克亞拉木圖坐巴士去吉爾吉斯比斯凱克。
首先係要係網上訂飛或到巴士站買。
巴士訂購官方網站: 訂飛官方網站 係一個俄文網站，大家可以用google translate釋番再購買
費用: 3280 kz Tenge (~HKD$50, ~TWD$206, ~6USD)
巴士站地點: 哈薩克巴士站-GoogleMap連結
*巴士站地點同市區有20分鐘車程距離，大家可以坐巴士或的士到達
巴士站的外觀
哈薩克呀拉木圖上巴士
請記得要預早半小時抵達巴士站
時間到就上巴士, 注意巴士上是要跟坐位編號坐, 坐大概3小時會去到哈薩克同吉爾吉斯的陸路邊境。
巴士的外觀
巴士的入面
中途會停一個休息站比大家去下洗手間同買啲小食, 留意用洗手間的時間入口會收取～50 kz tenge, 大家記得帶定少少零錢。接着便會抵達哈薩克及吉爾吉斯的陸路邊境!
休息站的外觀
請從巴士上拿回行李
大家記得帶齊車上的行李，需要一齊過關!
哈薩克的陸路邊境
主要的過關流程就係先到哈薩克的出境大堂，過passport control，再走一條大直路去吉爾吉斯入境大堂，再過當地的passport control。跟住就到了吉爾吉斯了。
温輕提示: 盡量記住幾個在車上嘅本地人乘客，隨著他們的腳步去過關，(因為指示是十分不清晰，而我們不懂得俄羅斯文或當地語言) ，在吉爾吉斯邊境等巴士時十分有用。(我就是因為沒這樣做，找不到巴士🥲)
入境吉爾吉斯後
值得留意，一入境是一個比較荒蕪既地方，沿住大路直行，會有好多攞住sim card既小朋友問你買唔買，跟住亦會有問你兌唔兌錢的地方。嗰度賣的sim card都係比平常貴，
- 如果想係口岸就買到sim card的，可以過少少，幫襯一啲有booth 同有著住印O2/網絡公司衣服的人，會係比一個正常既價錢你，係用當地既錢現金支付的。
- 如果唔急的話，可以去到市中心巴士站的位置去買
個人建議: 因個人既承受能力，會擔心多啲未知數既人，可以先買左係吉爾吉斯用到既sim (香港鴨寮街有得賣) 再係哈薩克兌定少少吉幣，以備不時之需。 我個人係比較想預備足啲嗰一類，覺得每一刻都可以連到網絡會踏實一點及無咁易比啲的士司機呃, 所以通常我會係口岸買左先。(長期出行的關係，所以無得去鴨寮街買定🤣)
吉爾吉斯的陸路邊境
正常的情況下，等埋巴士過 (通常比人過耐)，係過關呢個位應該會用一小時到，就會見到有岩岩坐既巴士，上去，再坐多大概45分鐘的車程，就抵達到吉爾吉斯的首都比斯凱克。
我在入境吉爾吉斯後走失巴士的經歷🥲
但我有啲唔好彩🙈，無認到啲”車友”, 又行得快左，同埋指示好唔清晰，我入左境後唔係好揾到邊度上巴士🥲🥲🥹
跟住係無網絡+當地貨幣的狀態下，先揾左間價值比較合理的找換店用美金換左嗰當地貨幣，跟住再用當地貨幣去買左張合理價錢的sim card。
然後，好彩關口同比斯凱克市中心距離比較近，而係有當地的公共巴士去，所以我就坐左上公共巴士，慢速地(有好多個站停)去到比斯凱克市中心。
吉爾吉斯買的Sim Card
吉爾吉斯的公共巴士
但我諗我既情況係好少數，我之前遇到坐過呢個過境的朋友都無呢個問題🥲，所以大家留意番應該都可以了。最差的情況下，可以用嗰邊的的士，大概都係70hkd左右的價錢！(or 可以同人共乘的士)
