2024年12月10日
阿拉善山及温泉(吉爾吉斯旅遊(四))
參加旅行團第四天
去到第四日，亦係今個旅行團最後一個full day，全日基本上就係去喺小鎮Karakol旁邊的阿拉善山(Altyn-Arashan)。係一個吉爾吉斯好著名有溫泉嘅雪山。所以整日行程主要就係坐車去行山坐4DW入去山路同埋浸溫泉。
第四天路程
| 時間 | 事件 |
|---|---|
| 8:00 | 早餐 |
| 9:00 - 10:15 | 坐4WD巴士前往阿拉善山中 |
| 10:30 - 14:00 | 阿拉善山行山 |
| 14:00 - 15:00 | 休息野餐 |
| 15:00 - 16:00 | 坐4WD巴士前往溫泉 |
| 16:00 - 17:30 | 浸溫泉 |
| 18:30 | 回到住宿小鎮Karakol |
| 20:00 - 21:30 | 晚餐 |
早餐
今日嘅早餐亦都係喺Homestay入面有一個Yurt食啲佢哋嘅傳統早餐。
早餐
到阿拉善(Altyn-Arashan)行山
食住早餐後就會坐上一架舊舊地既4WD巴士，因為上山嘅路真係好爛，好”櫈”,坐到想嘔，途中你會見有人係騎馬，有人係行上去。
4WD巴士
4WD巴士
阿拉善山係一個好多遊客都必會去嘅地方，因為佢有溫泉又有山景又有湖， 成個範圍好大嘅。雖然我哋今個旅程淨係會逗留半日嘅時間，但其實好多旅客都會喺呢度逗留兩至三日甚至去到一兩個星期，所以都係因應自己嘅需要去揀返合適嘅行程。
阿拉善山
阿拉善山
 我地嘅巴士停左係某啲位，跟住行左4個鐘到， 行嘅路，主要都係有啲陡峭嘅山路，但沿途會見到好多唔同嘅樹木同埋河流，而遠眺就會見到雪山。 周不時都有啲人係騎馬入嚟嘅。
阿拉善山
阿拉善山
最後我哋係阿拉善山度休息區野餐, 望住一流嘅景色，食住蘋果三文治，享受當下。
阿拉善山
跟住就回程去溫泉區。
途中見到的牛群
阿拉善山
溫泉
去左一個幾大既温泉地方，係有3個温度既熱水，有條係天然既冷水河比你涷熱凍熱咁樣沖身再浸
温泉
無帶泳衣嘅，我見佢有得10蚊租一件泳衣，諗住佢地穆斯林應該會比較保守。。。結果條泳衣。。
温泉
我最後唯有着住帶咗嘅Sportbar同運動短褲去就算😂
温泉
一開始要去沖用零度嘅凍水沖身都有啲chur，但鼓起勇氣一鼓作氣嘅時候都幾有趣，跟住當然就係即刻衝去熱水嘅地方浸，感覺成個人好Refreshing。
温泉
行程的最後一晚
嗰晚我地又去左同一間餐廳食飯。
温泉
食飯跳舞後，我哋就喺住嗰度一齊玩飲酒遊戲。 實不相瞞呢度啲本地就真係好平，一枝500ml既local gin係50蚊港幣有找。 我地係個guesthouse既yurt度著住民族服裝，咁就渡過我哋嘅最後一晚。
温泉
其中有一個好特別嘅花絮，有位美國團友佢攞咗個飲酒game嘅app出嚟俾大家輪住開牌，大家要按住個牌嘅指令去做。好神奇嘅係明明應該係一個飲酒game，但係我哋不停要喺度拍手，因為佢一直話抽倒嘅話隔離就要拍手或者一齊拍手咁，最後我哋發現原來呢個app係一個開心版，拍手其實代表飲的意思。所以我哋差唔多拍咗15分鐘手，先開始飲。
個人當日感受
其實今日坐車入去阿拉善山 係坐到有啲頭暈，但係入到去嘅山景真係好漂亮，同埋坐咗咁多日終於可以真係行三至四個鐘，雖然啲團友都行得好快(可能佢哋腳長)，但太多嘅景色嗰種浸入咗成個大自然湖同山景嘅感受真係十分之舒服。 加埋晚上嘅溫泉，同埋最後一晚同各位團友一齊飲杯，真係好難忘。係一個又攰又愉快又有啲唔捨得嘅一日。
