2024年12月11日
木製教堂及動物買賣場(吉爾吉斯旅遊(五))
參加旅行團第五天
去到第五日，亦係今個旅行團最後一個日，全日就係由小鎮Karakol坐車返去吉爾吉斯首都Bishkek,完成我哋嘅旅程，由於距離相對遠，成日係坐咗成6個半鐘車🥲
第五天路程
| 時間 | 事件 |
|---|---|
| 8:00 | 早餐 |
| 9:15 | 木製教堂 |
| 9:45 - 10:15 | 動物買賣場 |
| 13:00 | 岩石博物館 |
| 18:00 | 抵達Bishkek |
木製教堂
早上食完早餐之後，就去咗karakol既木製教堂。係一個係1894年建成嘅東正教教堂。
木製教堂
動物買賣場
跟住去左一個星期日先會開嘅動物買賣場，嗰度主要係買賣牛羊馬。我人生第一次去呢類型嘅地方，心情都會幾複雜，平時食肉食得多，但呢度就係個來源地。
動物買賣場
動物買賣場
細個學點樣愛護動物既野，係呢個市場係唔會見到，會覺得啲動物好似好慘但諗深一層有份食既自己真係有資格，覺得啲賣既好殘忍嘛？
問咗當地導遊，其實大概價錢係如何，佢地既價格大概如下:
- 1000USD for horse
- 250USD for sheep
- 1000USD for cow
動物買賣場
相信大家最小見既會係馬，但原來係佢地既national food,我之後識左個本地女仔，佢話馬肉既面係每一個屋企基本上每星期都會煮一次既 佢地屋企通常都會有第二個雪櫃就係放馬肉，佢屋企就係會有個uncle去買馬1000usd,分3份去佢地家族3家人，跟住大家成個冬天就有馬肉食😱
每一個民族都有屬於佢哋自己嘅文化同埋佢哋嘅料理。
戶外的岩石博物館
去完動物市集就展開長達6個半小時既車，當中我地有停一個既戶外的岩石博物館，係免費入場嘅，有唔同嘅石放咗喺地上，俾大家經過睇吓岩石上嘅雕刻。 同埋都係一個地方俾大家舒展下筋骨。
岩石博物館
岩石博物館
岩石博物館
完成旅程
最後，就返到去一開始嘅Olive Hotel， 同團友司機導遊講再見後，就完左成個旅程。
個人感想
早上去嘅動物買賣場的確既震撼同埋都會反思返。 記得睇過人類簡視呢本書，都有講過其實豬牛羊係因為人鍾意食，所以先會有咁多數量。 去到買賣場嘅第一刻可能會覺得好唔人道，但其實冇咗佢哋去做殘忍嗰個，我哋又點會有動物可以食呢？有時諗諗吓好多嘢嘅前因後果都發覺冇乜資格去覺得人哋殘忍。
今日全日坐車為主真係十分之攰， 但同團友之間講拜拜都有一啲不捨， 但同時亦都結束咗五日比較緊湊嘅生活，可以休息一下都幾好:)
如果 有時間嘅限制同埋鍾意喺短時間入面睇到好多唔同嘅景色，呢一個團係非常之適合。但如果係比較上深度遊或者係想可能特別喺阿拉善山嗰度逗留耐啲嘅話會建議自己揸車或者坐交通工具去，好似我識嘅澳門情侶，佢哋係自己坐交通工具嘅，同我今個行程去咗嘅地方都十分相似，但係佢哋就總共用咗12日，而我就只係用咗五日。
