2024年12月17日
四國高知縣龍河洞
龍河洞係一個擁有1億7500萬年歷史嘅鐘乳洞，係日本三大鐘乳洞之一，據傳係有彌生人嘅居住為止所以係一個國家天然事蹟，裏面除咗有瀑布河流泉水亦都可以睇到以前彌生人遺留下來嘅土器。
地圖
入口
官方網站
https://ryugadou.or.jp/chinese-tw/
交通方法
自駕: 30-50分鐘, 高知縣市中心<-> 龍河洞, 距離-23km
巴士: JR 土佐山田，轉龍河洞線巴士
以下係佢官方網站提供的資訊，大家可以參考:
公共交通
巴士站
費用是:
費用
我今次係以自駕的方式由高知縣市中心去，大概用40分鐘。
可能本身無特別的期待去，反而帶給我驚喜。本身都有掙扎去唔去好，因為同行程唔順路都要特登揸成一個鐘車程，而去過唔同地方嘅洞穴，感覺都係入去睇吓啲石，睇吓啲鐘乳洞🙈(我比較熱衷海)，但我好開心最後選擇咗去，因為呢一個龍河洞比到我十分多驚喜。
洞穴係比一般嘅長
洞穴內地圖
洞穴內地圖
洞穴內地圖
通常啲洞穴都係有兩三個重點位，可能大概10分鐘就睇完，但呢個洞穴唔同，佢比起普通嘅洞穴更加長，我自問行嘅速度都算比較快，都用咗差唔多半個鐘至九個字嘅時間去探索呢一個洞穴。而佢裏面亦都有好多唔同嘅特別鐘乳洞去睇，加上佢嘅燈光同埋指示牌十分之清晰同重會時不時有工作人員喺度同你講解或者經過，雖然探索嘅過程係比較長，但感覺十分之安全。
多重點位及歷史耐
比起一般嘅洞穴，龍河洞有比較多唔同嘅特色，加上佢係有好多年嘅歷史，入去嘅時候彷彿可以想像到以前啲人係點樣喺度生活同避難。亦都會覺得好震撼個洞依家仲可以保存得咁好
鐘乳洞
瀑布
裏見瀑布
天降石
玉簾之滝
仙人掌山岡
全息投影
乾淨及安全
畢竟係日本，佢哋都好重視呢一類嘅保育，所以成個景點雖然係係一個少少密閉嘅空間入面，但只是牌非常之多並清晰，亦有足夠嘅燈光，亦會有工作人員有時經過，成個過程係感到10分安全及舒服。
穴居第一室
可以講如果係喺其他國家，我諗我都會覺得要行一個多過30分鐘嘅洞穴係非常危險嘅事，但呢一個動員就比到滿滿嘅安全感，我亦都有見到啲一家大細帶着小朋友同埋年紀大嘅老人家都可以行到。
古花殿
洞穴
出口
少旅客
始終四國都係相對冷門一點的旅遊地方，所以旅客相對少，但又未去到無。呢個亦係我好鍾意嚟呢個洞穴嘅原因，因為成個過程都係見到兩至三組旅客，變咗唔使有典型旅行景點咁要同人哋迫迫迫，排隊影相，可以更感受到大自然嘅宏偉，同埋影相都唔使怕影到後面啲人:)
休息觀望區
出了龍河洞後，會有一個休息觀望。
休息觀望區
休息觀望區
有小型嘅博物館
出了龍河洞後，會有一個小型博物館有展覽以前係洞穴會見到嘅文物。
博物館
博物館
博物館
個人感想
利申，我唔算係對洞穴感到十分有興趣的人但我非常之鍾意呢一個體驗，誠意推介俾經開高知県，又有少少時間既大家。
