2024年12月18日
烏茲別克跨城市交通火車
火車係烏茲別克主要跨城的交通工具，所以我今次由首都塔什干(tashkent)去撒馬爾罕(Samarkand)的往返都用火車🚄 （背包客主要都係用火車去Samarkand, Bukhara, Khiva)
如何訂票
車票係喺烏茲別克鐵路的官方網站，或手機app 訂購。 (我試過用官網買，但去到比錢嗰一步就會load 唔到，反而用手機app就比較順)
烏茲別克鐵路的手機app
ios App 連結: https://apps.apple.com/hk/app/uzrailways-tickets/id1497456207?l=en-GB
建議早啲買，其中有個好好既服務火車出發係24小時前係可以申請退票同只扣減一點的手續費。(我有成功買左及退左亦有收到錢😁)
塔什干車站
建議大家要早起碼30分鐘到車站，因為首先係要過安檢，而嗰一條隊係排得勁長，會用左好多時間
烏茲別克鐵路塔什干站
跟住去到大堂後，由於主要係用俄羅斯文同烏文，所以係會用左一啲時間去揾如何去到月台。
烏茲別克鐵路塔什干站的安檢
烏茲別克鐵路塔什干站的大堂
烏茲別克鐵路塔什干站的大堂
跟住到月台，由於佢一架火車係有10幾卡，而帶住行理的關係，都需要用啲時間行去岩的車卡。
烏茲別克鐵路塔什干站的月台
烏茲別克鐵路塔什干站的火車
烏茲別克鐵路車廂內
由於我坐的車程係比較短(大概四小時),所以都係坐的位置。（教遠程嘅車通常就會有臥鋪，建議大家早啲book可以book啲下面嘅臥鋪，去廁所同休息各樣嘢會方便啲。)
車廂雖然唔算新，有少少味，但比想像中乾淨企理，亦都感覺相比吉爾吉斯烏茲別克嘅鐵路比較完善，因為吉爾吉斯主要都是用巴士穿梭城市。
烏茲別克鐵路的火車車廂
在買票的時候，你是可以選擇自己坐的位置，剛好這次我坐的位置有一張小枱可以放東西。按着自己選擇的位置坐後車就開始了。
當中會有些推車的服務員來賣水及午餐，所以沒有買東西的朋友也不用怕。
烏茲別克鐵路的火車車廂
因為火車係會停好多站，所以唔識當地語言既我，會較好鬧鐘，到差唔多時間就會睇住google map🗺️
到達撒馬爾罕
車準時到達撒馬爾罕，在撒馬爾罕的車站已經開始看到得多清真寺相關的建築特色，十分有趣。
烏茲別克撒馬爾罕的火車站
烏茲別克撒馬爾罕的火車站
而火車站距離撒馬爾罕(Samarkand)市中心有一段距離，向來比較穩陣嘅，我就唔會坐車站出嚟嘅人叫我坐嘅車，我就用yandex去叫車坐。Samarkand係無交通工具的，所以一係就係call yandex/的士，一係就係行。
而我會係另一篇文章去講撒馬爾罕(Samarkand)的觀光遊記😁
撒馬爾罕的Registan Square
撒馬爾罕的Shah-i-Zinda
撒馬爾罕的Shah-i-Zinda
回程
回程我都係坐火車番番去塔什干，而今次我book到既係一架快啲，只用兩小時的車，所以好快就到，而呢架車就再新啲，同係包埋火車餐。
撒馬爾罕的月台
撒馬爾罕上的快速火車
快速火車上的火車餐
退票
我本身係book左去kivha的火車(14小時一程),但最終因為身體不適所以退左票，而退票手續都十分簡單，就係喺嗰app度禁cancel。兩星期後，我就收到退款(用英鎊退的)。成個流程簡單方便，都幾意外。
個人感想
可能嗰時係中亞都留咗一段時間，特別之前去完吉爾吉斯，真係比較到烏茲別克鐵路系統係比較完善，當然同以發達國家去比較，但係發展中國家嚟講我認為佢嘅鐵路系統係幾好。而烏茲別克鐵路嘅手機app亦都十分之驚喜，可以直接用信用卡買票退票。但記住記住記住一定早啲買定車票，最好早兩三個星期。以我嘅簽證為例淨係可以留到10日，所以Miss咗個時間就好難搵到啱嘅車能變咗要去坐巴士或者的士跨城市應該會更加辛苦。
