2025年03月24日
女生獨自背包旅行攻略(7個實用貼士)
女生去旅行或背包旅行有很多要關心的顧慮，例如安全、預算、社交都是背包要注意及平衡的。
1. 建議先由大眾熟悉的地點開始獨旅
- 始終由跟朋友家人一起去旅行變到係自己一個去，唔多唔少都有好多野要習慣同適應，所以由一些近及籍名旅遊地點作為起步係一個幾好既選擇。
- 會建議大家可以從台灣、日本、韓國、馬來西亞起步☺️
- 我當年第一次自己去旅遊就係去了一個星期台北的。
2. 要帶足夠現金(美金)💸
- 雖然電子支付已經十分發達，但有些國家可能還沒有發展普及至每一個商戶都收電子支付、同時有很多小店、的士、本地旅行社(報local tour)都會需要收現金。
- 我通常可以的話會在香港的找換店兌定一點點外幣，若地方太偏門的話，就兌多都一點美金(暫時美金都是世界各地認可及流通的，通常可以獲得比較好的兌換率)。
3. 盡量確保隨時可以上網(由其不熟悉的地方)
- 可以上網的話，最直接是你能用到google map，確保不會被帶到奇怪的地方(尤其是剛到步要坐的士時)。
- 另外用一些語言不通的地方，translate功能也十分重要，因為很多較偏門的旅遊點的人即使是機場內的人員也十不太能說英語。
4. 盡量避免跟機場太熱情的司機上車 (最好用uber/grab 或交通工具)
- 機率的問題，全世界通用的，每個地方總有一些想賺快錢的司機，比起跟grab/uber system,係機場度等候一些第一次來/不熟悉當地物價的遊客更為簡單快捷。所以被機場的士over charge幾倍是一個旅行者間想會發生的問題。
- 所以若該地方有網約車系統，會建議去前下載定該軟件，到步使用網約車，假設明買明賣會較有保障。
- 當年我第一次到步南美洲智利機場，就被一個冒充機場職員的人騙我用信用卡坐他找來的的士，好彩我過一陣發現唔對路無上到車同比信用卡的資料佢，但都十分驚險。🥲
5. 盡量穿著樸素一點，保持”街坊”look
- 旅行通常都想拍攝靚相，可能會穿帶好多好靚既衣服，有時要小心容易成為其他人的目標。
- 我自己通常會選擇著得似當地人，住係當地的感覺，減少自己成日其他人的目標。
6. 帶少啲不必要的行李
- 特別係第一次去，會好擔心呢樣買唔到嗰樣又無咁，所以會帶左好多不必要既野，例如我去澳洲時會帶風筒、好多唔同既衫、鞋、護膚品。 -對於係長期嘅旅行嚟講，一啲可以當地買到嘅日用品，建議可以只帶少量直接當地購買，只要帶足夠的現金或信用卡就可以了。
- 因為一個人旅行時，很多時會有很多即興的事情發生，若帶着很多行李的話坐廉航(當然有錢嘅人唔使聽)係要俾好多額外行李錢，連住個Hostel都要顧住好多嘢，所以個人嘅彈性會變少咗，我第一次去嘅時候就真係帶得太多，變咗成日要俾好多額外嘅行李錢同埋成日決定去某啲地方都會顧慮到我啲行李放喺邊。
7. 信自己直覺
- 由其是有人周街搭訕，若不舒服可直接無視，保障自己安全最緊要
- 有時唔好怕拒絕同Say No，感到不舒服就要直接係安全的情況下離開。
