2025年04月09日

澳洲塔斯曼尼亞打工換宿兩週(二)

澳洲塔斯曼尼亞

呢個打工換宿除咗每天工作同感受無網絡生活外，當中伯伯仲帶我去咗附近嘅自然景點觀光。

有一日天氣特別好，伯伯就帶我一齊出發。我哋住嘅位置係塔斯曼尼亞嘅北部，所以我哋出去都係圍繞塔斯曼尼亞北部一帶。

我哋先去咗一個叫 Deloraine 嘅城市食午餐。

Deloraine 係一個只有 3000 人的小城市，環境好幽靜、舒服。沿着下邊慢慢步行，真正感受什麼是慢活。

跟住我哋去咗一個行山徑，叫 Alum Cliffs。

從停車場步行大約 20 分鐘就到觀景台。那度有一個 200 米高的懸崖，崖下係 Mersey River。那天陽光普照，景色真係數一數二咁靚。

之後我哋去咗附近一個洞穴，叫 Honeycomb Cave。伯伯好貼心，事先仲幫我哋準備咗安全帽 ⛑️。洞穴好大，有鐘乳石，喺自然光下顯得好美麗。

今日去嘅呢三個地方完全唔輸畀好多旅遊景點，但又未有太多遊客影響整個觀光體驗。我好鍾意呢種深度遊，感受到大自然嘅美好。

女生去旅行或背包旅行有很多要關心的顧慮，例如安全、預算、社交都是背包要注意及平衡的。

獨遊時其中一個會經歷到的，就時孤獨的感覺。少了可以分享美食的朋友，少了可以幫忙拍照的朋友，但同時你會留多左空間比自己反思，同自己相處。